Σάββατο 19 Ιανουαρίου 2008

BOURA the lost City.

Εκ Κερυνείας δε επανελθόντι εις την λεωφόρον και οδεύσαντι ουκ επί πολύ δεύτερα έστιν ες Βούραν αποτραπέσθαι από θαλάσσης ες δεξιάν και η Βούρα εν όρει κείται, τεθήναι δε φασί τη πόλει το όνομα εκ γυναικός Βούρας , θυγατέρα δε αυτήν Ίωνος του Ξούθου και Ελίκης είναι, ότε δε Ελίκην εποίησεν άδηλον εξ ανθρώπων ο θεός, τότε και την Βούραν σεισμός επέβαλεν ισχυρός, ως μηδέ τα αγάλματα εν τοις ιεροίς υπολειφθήναι τα αρχαία. Οπόσοι δε τηνικαύτα αποδημούντες ή στρατείας ένεκα έτυχον ή κατά πρόφασιν αλλοίαν, μόνοι τε ούτοι Βουραίων ελείφθησαν και αυτοί της Βούρας εγένοντο οικισταί. Ναός ενταύθα Δήμητρος, ο δε Αφροδίτης Διονύσου τε εστί, και άλλος Ειλειθυίας, λίθου πεντελικού τα αγάλματα, Αθηναίου δε έργα Ευκλείδου και τη Δημητρί έστιν εσθής, πεποίηται δε και Ίσιδι ιερόν.
Καταβάντων δε εκ Βούρας ως επί θάλασσαν ποταμός Βουραϊκός ονομαζόμενος και Ηρακλής ου μέγας εστίν εν σπηλαίω , επίκλησις μεν και τούτου Βουραϊκός, μαντεία δε υπό πίνακι τε και εστίν, εύχεται μεν γαρ προ του αγάλματος ο τω θεώ χρώμενος, επί δε τη ευχή λαβών αστραγάλους, οι δε άφθονοι παρά τω Ηρακλεί κείνται, τέσσαρας αφίησιν επί της τραπέζης, επί δε παντί αστραγάλω σχήμα τι γεγραμμένον εν πίνακι επίτηδες εξήγησιν έχει του σχήματος. Σταδίων επί τον Ηρακλέα ως τριάκοντα εξ Ελίκης οδός ή ευθειά τε εστί''

ΠΑΥΣΑΝΙΑΣ ''ΑΧΑΙΚΑ" 590.

Δεν υπάρχουν σχόλια: